VISIGOTHI

VISIGOTHI

Sidonio contracte Vesae, alias Westrogothi, i. e. Gothi Occidentales, Moesiam Thraciaeque partem cum con cessu primum Valentis ten vissent, mox contra foedera male habiti, bellô in Romanos sumptô, Valententem eiusque exercitum occidunt: Constantin oplis suburbium incendunt; Thracias inde et Daciam Ripensem, non iam precariô iure, sed plenô do minatu tenuêre: etiam Gratiani temporibus. Parseorundem, Duce Fridigernô, Epirum, Thessaliam Achaiamque, pars alia sub Alatheo et Safrach Pannoniam incursat, Theodosiumque Imperatorem ad foedus compellit: quô non recte servatô Alarichus Rex, cum Thraciam Graeciamque ipse vastâsset, praemissô Radagaisô per Pannonias invadit Italiam, primusque post Gallos Senonas Romam capit, Honoriô imperante, Fecit idem, qui ei successit Athaulfus; et mox desertas a Wandalis Gallias in vasit. Huius successor Wallia, Hispaniam occupavit, adiecitque secundam Aquitaniam, cum urbibus finitimis quibusdam, firmante Honoriô, quae in hunc quoque diem Gothia dicitur. Ex huius successoribus Theudericus secundus Suevorum per Hispaniam vires fregit. Post quem Euricus Lusitaniae pleraque, Caesaraugustam, Pompeiopolim ac vicina, et in Gallia Arelatum et Massiliam subegit: Post Euricum, de Gallia, Narbonensisprima, penes Visigotthos mansit, coetera eius Ostrogotthis, sub Theuderico Burgundionibusque et Francis tenenribus. Hispaniae possessio Westrogotthis Anastasii con cessione firmata est: accessit et in Africa provincia Tingitana. Rudericus ultimus Hispaniam rexit, tum ob impios eius et Witizae antecessoris mores, nobilissima et antiquissima Regum Gotthorum familia, in praedam barbaris Mauris divinitus data, ac universa nobilitas totumque regnum brevi funditus eversum est A. C. 711. Neque vero, postquam in Hispaniam irrupêre Sarace. ni, ita omne Gotthicum nomen ibi periit, ut non hodieque, quod potissimum est per Hispaniam nobilitatis, praedicet, eô sanguine se ortum, testimonium origini no minibus quoque praebentibus. Et sunt Gotthica nomina Ferdinandi, Frederici, Roderici, Hermanni, aliaque id genus. Sed et Reges ipsi Hispaniae e Pelagio se genitos credunt, credique volunt, qui Favilae Gotthi filius, primus Gotthorum reliquiis in Asturia collectis, in tenui fortuna, sed in spe rerum meliorum, quas Deus tandem dedit, Rex appellatus est. Gottha ei et uxor Frouliba nomine: Sed et gener eius Aldefonsus ex Recaredi Regis sanguine fuit. Literae quinetiam in Hispania Gotthicae in publicis, sacris, privatis mansêre, ad tempora Ferdinandi I. quales Wulphila Episcopus Valentis temporibus Gotthis tradiderat. Navarrae etiam Reges genuinos se gotthos fatentur, nec in Narbonensi Gallia, quam Balthi Reges diu tenuêre, stirps eorum tota interiit. Plura de his, exactam inprimis Regum, ab Athanarico A. C. 369. usque ad praefatum Rudericum, seriem, cum Chronologia et rerum gestarum succincta historia, vide apud Hug. Grotium, Prolegom. in Hist. Gotthorum, Vandalorum et Longobardorum. Quaere etiam in voce Gothi.